~~
هذا الفراق الي تبي..
غصبن علي أتقبله..
واعاند قليبن أبي..
في الصدر يصرخ بأسئلة..

~~

ابسألك..
يا مالكة قلبي أنا ..
ابسألك،
عن وصلنا..
وعن عشقنا..
وأبسألك،
يوم الفراق أصبح أكيد..
والحزن غطا “كلنا”..
شعرت ورددت القصيد..
ليه ابتسمتي؟!

~~

وابسألك،
يوم الحكي في دمعتك..
وعيونك ترد الحكي..
هي كلمتين،
ترسم على خدك شعر..
دقيقه كانت لي، عمر..
ويميني تمسح وجنتك..
ليه ابتسمتي؟!

~~

وابسألك،
يوم إن ما بقى إلا الرحيل..
وصوتي ينادي إصبري..
سهر مع الليل الطويل..
عني تغيبي وترحلي؟!

~~

ابسألك،
وينه، عشقنا.. ؟!
هو العمر وشهو العمر..
إلا بقايا دمعنا..

~~

تب ترحلي؟
إرحلي.. أو لا ترحلي..
كله غدا عندي سوا ..
بعد جرحك.. والرحيل..
ما عاد يطيبني دوا..

~~

كل شي في هالحياة، عادي ..
الا الفراق، يا مصعبه..
حزن على الوجه.. بادي..
لحظات يا هي مرعبه..
لحظة عناد،لحظة فراق،
لحظة بعاد،لحظة عناق،

وصمت على الوقت سادي..
وصمت على الوقت سادي..

زي كل يوم ..

أوقِضتني كثرة النوم .. زي كل يوم !

فتحت تلفزيوني .. كمبيوتري وايميلي .. زي كل يوم !

إلا إن الماسنجر.. ما هو زي اية يوم..

شفت من حولي يترحم ..

الله يرحم .. والله يغفر ..

والله يغسلك بماي البرد يا فلان..

وما قدرت إلا أني .. غصب عني.. أســــأل !

منهو فلان ؟

قالوا نعرفه كل أبونا ..

كان صغيــّـر شباب .. توه متخرج …..

وحلمه ..

كان ناويها بيسافر ..

إستبق أمر فوق عِلمـــه ..

… وكان حادث …

.. توفى ..

هاذي هيّه القصة !

غصّــة بحلق أمــه .. الله.. ياهي غصــّــه

.

ودارت الدنيا فيني ..

كل ما طرالي إني أشبهه ..

رغم إني ما أعرفه .. أشبهه

كلنا بأول أيامنا .. ما عرفنا من نجاح ، إلا منسوج أحلامنا !

لي سنين ..

ويومي يعيد اليوم .. إلا اليوم !

يمكن هذا الموت يذكـِّـر ..

تحسب إنك ، توك صغيــِّـر ،

وإلا يعني ..

إنه هو لو جا أمِرك ..

إني بصـبـر !

.

يعني لو إن هذا اليوم يومي..

وأمر الله .. حَمَل إسمي ..

ماهو إسمه !

… بيتـــأخـــّـر ؟!

.

.

اللهم إن النفس لأمارة بالسوء،

فأعنــّـا على طاعتك

اللهم إنا نعوذ بك من ظلمة،

وعذاب في القبر